2100 urtea da, eta gizakiek ia suntsitu egin dute Lurra. Eire Moon eta lagunak beren eskoletatik kaleratu dituzte arazotsuak bide direlako. Guztiak bildu dituzte Ortzadar izeneko eskolan. Ortzadar eskola, baina, ez da beste eskolak bezalakoa. Bertan, misio bat ezarri diete Eire Mooni eta lagunei: Lurrean dauden arazoak eta haien ondorioak ikertu eta konponbidea aurkitzen ahalegintzea.Abentura honetan, Norvegiara joan behar dute. Itsasoak estali ditu hango fiordo guztiak, bakar bat izan ezik. Horrez gain, ohartzen dira hainbat arrain ari direla hiltzen itsasoaren tenperatura asko igo delako. Lortuko ote dute Eire Moonek eta lagunek fiordoko mendietan goraino igotea? Onik aterako al dira bertatik? Ez galdu izotz eta mendi arteko abentura zoragarri hau. Zain dituzu Ortzadar eskolako lagunak!

Tapa blanda

Alai Argitaletxea

Azken Fiordoa

Kanpin bat, hondartza eder baten ertzean, igerileku eta txirrista mordoa dituena. Zer gehiago eska zezaketen Basakabiko gazteek? Gazteak, lan mundura hurbiltzeko programa baten baitan, kostaldean dagoen kanpin batera joango dira lanera. Hori gutxi balitz, egun horietan surf-eskola bateko gazteak ibiliko dira kanpinean, eta, azken egunean, txapelketa garrantzitsu bat jokatuko da.Lehen gauean, ordea, norbait desagertuko da, txapelketa aurreko egunak erabat baldintzatuko duena. Kideen arteko tira-birak, laguntasuna, beldurrezko istorioak eta istripu larri bat izango dira Basakabiko gazteek izango dituzten bizipenetako batzuk. Denak salbu irtengo ote dira kanpin zoragarri horretatik?

Tapa dura

Kanpineko Surflari Desagertua

Nork ez du inoiz amestu bizitza arrakastatsu bat izatearekin? Izarrek, bere gurasoei esker, musika munduko ekoizle famatu batekin entzunaldia egiteko aukera izango du. Aitaren gogoz kontra, ordea, Joritz ere bertara joan dadin konbentzituko ditu gurasoak eta minutu batzuk utziko dizkio, Fred Jones izeneko ekoizle famatu horren aurrean abesteko. Fred Jonesen aurrean ondo abestuz gero, disko bat grabatzeko aukera ere izan dezake Izarrek. Hau guztia Bartzelonan gertatuko da eta bikoteak egun paregabeak igaroko ditu hiri zoragarri horretan. Gauzak, aldiz, ez dira uste bezala aterako. Zer erabakiko ote du Fred Jonesek? Zer gertatzen da, norbaitek arrakasta beharrean bere burua porrotetik hurbilago ikusten duenean?

Arrakastaren Bila

Leku zoragarria izan daiteke jolas-parkea. Basakabiko lagunak, Gontzalek irabazitako lehiaketa bati esker, Europako jolas-parkerik handienera joango dira. Jolas-parkea lau eremutan banatuta dago: Uraren eremua, Suaren eremua, Haizearen eremua eta Lurraren eremua. Beldurraren etxea da bertako atrakziorik famatuenetarikoa, eta ez da gutxiagorako izango, haietako bat bahituko baitute bertan. Asteburu ederra izan behar zena, amesgaizto bihurtuko da Basakabiko lagunentzat. Lortuko al dute denek onik ateratzea?

Azken Fiordoa (2026)

Kanpineko Surflari Desagertua (2026)

Arrakastaren Bila (2025)

Bahiketa jolas-parkean (2024)