Tapa blanda

Tapa dura

Gallego

Edicions Xerais

A profe Lola/ trouxo froita para a escola...Un libro de aprendizaxe temperá con vistosas fotografías e un texto simple e rimado para recoñecer as froitas e as súas cores e aprender como se denominan en galego, portugués, castelán e inglés.

Edicións Xerais

Moita froita

O día da Ascensión do ano 1929 o mozo Guillerme Cardelle achégase á Alameda de Santiago de Compostela para desfrutar da xornada festiva. Cando decide entrar no gabinete do mago Bunda, dotado de supostos poderes proféticos e divinatorios, non pode imaxinar que o que alí escoite lle cambiará a vida para sempre. Desde entón Guillerme será o depositario dun segredo relacionado coa antiga muralla, as igrexas intra muros e o sepulcro do apóstolo que dá nome á cidade. E revoando sobre todos estes elementos, a presenza permanente do número once, unha cifra arredor da que semella xirar un misterio no que Guillerme deberá afondar para descubrir o seu verdadeiro sentido. &quot; Once portas &quot; é unha novela a cabalo entre o histórico e o fantástico, unha viaxe a través dos episodios sobranceiros da historia compostelá e unha homenaxe á cidade de Santiago a través dos seus símbolos máis universais.

Once portas

FlorencioDelgado Gurriarán (1903-1987) destacoucomo poeta, e segue a ser o autor máis representativo da súa Valdeorras natal.Pero foi tamén articulista, crítico literario, coordinador editorial, lexicógrafo,tradutor, corrector... E como moitos outros intelectuais galeguistas, tras ogolpe de estado de 1936 tivo que tomar o camiño do exilio. No seu caso o lugarescollido foi México, onde levou a cabo un intenso labor cultural. Algúns dosproxectos que encabezou tomaron forma de publicación periódica, como as revistas Saudadee Vieiros. Nunha época en quea cultura galega se desenvolveu con máis vigor fóra ca dentro das súasfronteiras naturais, persoeiros como Delgado Gurriarán desempeñaron un papelfundamental para a súa supervivencia. LETRAS GALEGAS 2022

Florencio delgado gurriaran polos vieiros da saudade

De remate é unha novela tremendamente singular no xeito de narrar. Está construída fragmentariamente a través das columnas de opinión do seu protagonista, o xornalista Bieito Sanmarful, complementadas con textos pertencentes ao seu diario íntimo e outros materiais de diversa procedencia: correos electrónicos, anotacións en blogs, poemas, documentos oficiais...  A través das páxinas desta novela non asistimos só ao retrato sociolóxico da Galicia que habitamos, senón que tamén imos descubrindo a propia vida e o itinerario persoal do protagonista, aflixido por unha doenza coa que se ve obrigado a convivir e que combate con humor, ironía e estoicismo.  Coa lectura dos seus textos imos descubrindo un Bieito Sanmarful que se mostra, nos últimos anos de súa vida, como unha persoa fráxil e dependente, autoesixente, que nos achega a súa visión nada dogmática sobre o mundo e as persoas que o rodean, a través dunha reflexión permanente sobre si mesmo.  Estamos ante un relato de estrutura poliédrica no que se artella un calidoscopio literario do país e dos seus habitantes valéndose dunha amálgama de estilos metaliterarios cos que o propio autor comparte protagonismos.  De remate é unha novela entretida, divertida, ben escrita, que recrea con acerto e moita habilidade diferentes rexistros lingüísticos, incluídas diversas variantes dialectais que axudan a retratar os personaxes; unha novela sólida, moderna, que convence, que engancha e que nos fai redescubrir o gusto pola palabra.

De remate

Agochada nunha mesta fraga está a cabana na que desde hai máis dun século ten o seu consultorio a meiga Divina. Ata aquí veñen clientes das máis diversas procedencias. Pero non pensedes que só as persoas se achegan ata o consultorio de Divina; un día calquera, na porta da cabana podemos ver un barco que se marea ou unha fervenza que quere vivir onda o mar; e no interior, unha bolboreta coas ás despintadas, unha pantasma que xa non asusta... E a meiga Divina, coa axuda dos seus libros de conxuros, das súas apócemas e beberaxes, dun moucho sabio e dunha cortina lingoreteira, consegue que todos eles marchen cun remedio acaído para os seus males. FINALISTA DO PREMIO MERLÍN DE LITERATURA INFANTIL 2015

Quen dá a quenda?

Acorde coa norma ortográfica vixente  Pensado e redactado para estudantes de secundaria e bacharelato, de 12 a 18 anos, seguindo as directrices da Reforma Educativa.  -Un formato manexable cun deseño concibido para facilitar a localización das entradas e doutros aspectos da información que figuran salientados nunha cor diferente ao resto do texto.  -31.500 entradas e máis de 60.000 definicións acordes coas necesidades do alumnado, con incorporación das voces máis recentes xeradas polas novas tecnoloxías.  -Máis de 50.000 exemplos de uso que ilustran os posibles contextos das distintas acepcións ou amplían información enciclopédica.  -Escolma dos erros léxicos máis frecuentes (2.300) e remisión ás formas correctas e normativas.  -Máis de 30.000 sinónimos e 5.000 antónimos específicos por acepción.  -5.800 expresións e frases feitas.  -Relación de 4.700 familias léxicas.  -Información fonética en estranxeirismos e palabras homófonas.  -46 modelos verbais, que inclúen os paradigmas de cada conxugación, os verbos irregulares e os regulares con algunha particularidade morfolóxica.  -19 cadros gramaticais con información clara e ordenada sobre pautas de acentuación, oracións comparativas, uso do infinitivo conxugado, formación do plural, perífrases verbais, signos de puntuación etc., así como unha ampla listaxe dos topónimos e xentilicios de Galicia, de España e do mundo.

Moita froita (2023)

Once portas (2017)

Florencio delgado gurriaran polos vieiros da saudade (2022)

De remate

Quen dá a quenda?

Dicionario xerais de secundaria e bacharelato